Guerra ruso-ucrainesa

A guerra ruso-ucrainesa ye una guerra en curso que embreca sobretot a Rusia per un costau, y Ucraína per l'atro. Lo conflicto prencipió en febrero de 2014 y se centró en a peninsula de Crimea y partis d'o Donbás, que son reconoixius internacionalment como parti d'Ucraína. Lo conflicto incluyó l'anexión rusa de Crimea (2014), a guerra d'o Donbás (2014-present), incidents navals, guerra cibernetica y tensions politicas. Rusia brindó refirme militar a los separatistas en Donbas, manimenos intentó amagar a suya participación. Dimpués d'as acumulacions militars rusas amán d'as buegas d'Ucraína en 2021, Rusia lanzó una invasión a gran escala d'Ucraína lo 24 de febrero de 2022, con aduya de Belarrusia que permitió lo paso d'as tropas rusas tanto per tierra como per aire. A mayor parti d'a comunidat internacional y organizacions como Amnistía Internacional han condenau a Rusia per as suyas accions en Ucraína, acusando-la d'infrinchir o dreito internacional y violar a sobiranía ucrainesa. Muitos países implementoron sancions economicas contra Rusia, personas u interpresas rusas, especialment dimpués d'a invasión de 2022.